İran İslam İnqilabının Böyük Rəhbərinin beynəlxalq məsələlər üzrə müşaviri şənbə günü Tehranda İslam Müqaviməti Hərəkatı Həmas-ın siyasi bürosunun üzvü və Fələstin Parlamentindəki fraksiyasının sədri Mahmud Əz-Zəhar ilə görüşdə sionistlər qarşısında yeganə yolun müqavimət və mübarizə olduğunu bildirib.

Əl-Aləm kanalının bildirdiyinə görə, Əli Əkbər Vilayəti Fələstin xalqı və Qüdsün müdafiəsini bir zərurət adlandırıb və deyib: Fələstin xalqı müqavimət və mübarizə sayəsində sionistlər üzərində dəyərli qələbələr əldə edib. Bu, sionistlər üçün bir dərs olmalıdır.

İnqilab Rəhbərinin müşaviri həmçinin deyib: Aydın olan bir məsələ var. O da müqavimətin hər gün daha da genişlənməsi və güclənməsidir.

Mahmud Əz-Zəhar da bu görüşdə İran xalqı və hökumətinin Fələstin xalqına olan dəstəyini yüksək qiymətləndirib və deyib: İslami oyanış genişlənməkdədirvə heç şübhəsiz Fələstin qələbə çalacaq.