İran və Türkmənistanın xarici işlər nazirləri müavinləri ikitərəfli əməkdaşlıqların inkişaf yollarını araşdırıblar.

İRNA-nın məlumatına görə, şənbə günü İranın xarici işlər naziri müavini Abbas İraqçı ilə Türkmənistanın xarici işlər naziri müavini Vəfa Hacıyev arasında baş tutan görüşdə ikitərəfli əlaqələr habelə, regional məsələlər müzakirə edilib, siyasi-iqtisadi əməkdaşlıqların inkişaf yolları araşdırılıb.

İran və Türkmənistanın xarici işlər nazirləri müavinləri həmçinin, mövcud əməkdaşlıqların inkişaf etdirilməsi üçün yeni əməkdaşlıq sahələrinə o cümlədən enerji və tranzit sektoruna diqqətin ayrılmasına təkid ediblər.

İraqçı və Hacıyev həmçinin, İran-Türkmənistan əməkdaşlıqlarının yol xəritəsinin yenilənməsinə dair də razılıq əldə ediblər.