Böyük İslam Peyğəmbəri Həzrət Muhəmməd(s.ə.s)-in vəfatı və dünya şiələrinin ikinci imamı, Həzrət İmam Həsən Muctəba(ə)-ın şəhadətinin ildönümü günü mərasimi İranın müxtəlif şəhərlərində keçirilib.

Bütün islami İran qaraya bürünmüşdü. Mömin əhali Əhli-Beyt(ə) aşiqləri əziz İslam Peyğəmbəri(s.ə.s)-in vəfatı və Həzrət İmam Həsən Muctəba(ə)-ın şəhadəti matəmində əzadarlıq ediblər.

Sabah Məşhəd şəhərində Həzrət İmam Rza(ə)-ın şəhadətinin ildönümü günündə o həzrətin və Qum şəhərində Həzrətə Məsumə(s.ə)-ın pak hərəmlərində də əzadarlıq mərasimləri keçiriləcək.

İndiyədək üç milyondan çox zəvvar maşın və ya piyada şəklində müqəddəs Məşhəd şəhərinə gəlib. Xoş o kəslərin halına ki, məhəbbət və hörmətləri əməl və təqvaları ilə yanaşı olmuş olsun.