Dəmavənd zəlzələsi; 2 ölü və 23 yaralı-Yenilənib
Tehran vilayətinin böhranın idarə olunması qərargahının rəisi deyib ki, bu gün səhər Dəmavənddə baş verən zəlzələ nəticəsində 2 nəfər ölüb, 23 nəfər də yaralanıbdır.
Bu gün səhər tezdən Tehran vilayətinin Dəmavənd şəhərinin ətrafında yerin 7 kilometr dərinliyində Rixter şkalası ilə 5,1 bal gücündə zəlzələ baş verib.
Tehran vilayətinin böhranın idarə olunması qərargahının rəisi Mənsur Dərəcati Dəmavənd zəlzələsi ilə bağlı ən yeni statistika barədə sonra belə deyib: Tehran vilayətində zəlzələnin baş verməsi nəticəsində indiyədək iki nəfər ölüb. Onlardan biri, 60 yaşlı bir kişi qaçarkən başına dəyən zərbə, digəri isə 21 yaşlı bir qadın ürək fəaliyyətinin dayanması nəticəsində həyatlarını itiriblər. Bu hadisədə 23 nəfər də bədən xəsarəti alıbdır. Onlardan 12 nəfərinin zədələnməsi ciddi olmayıb. 11 nəfər isə qorxudan və ya qaçmaq nəticəsində bədən xəsarəti alıbdır. Onların bəziləri hadisə yerində, bəziləri isə səhiyyə mərkəzlərində müalicə olunaraq, evlərinə buraxılıblar. Hazırda zədə alanlardan heç biri xəstəxanaya yatırılmayıbdır.
Tehran vilayətinin böhranın idarə olunması qərargahının rəisi sonra belə söyləyib: Koronavirusun başlandığı zamandan bəri vilayətin bütün yardım qüvvələri hazır vəziyyətdədirlər və zəlzələnin baş verməsilə də Dəmavənd böhran qərargahı təşkil edilibdir. İndiyədək yardım qüvvələrinin dəyərləndirmələri göstərir ki, yeraltı təkan elə bir xəsarət törətməyibdir.
DƏMAVƏND ZƏLZƏLƏSİ; 2 ÖLÜ, 23 YARALI
