İran xarici işlər naziri öz küveytli həmkarı ilə söhbətdə ABŞ-ın Fars Körfəzindəki mənfi hərəkətlərinə işarə ilə hər hansı avantüranın nəticələrinə görə Vaşinqtonun məsuliyyət daşıyacağını bildirib.

SəhərAzəri xəbər verir ki, İranın xarici işlər naziri bu söhbətdə İslam Respublikasının əcnəbilərin müdaxiləsi olmadan regionun sabitliyi və təhlükəsizliyinin təmin edilməsi ilə bağlı baxışlarını açıqlamaqla yanaşı, ABŞ-ın bölgədəki bəzi şübhəli və mənfi hərəkətlərinə işarə edib. Bildirib ki, hər cür avantüranın nəticələrinə görə məsuliyyət Vaşinqtonun üzərinə düşəcəkdir.