İranda intellektual kənd təsərrüfatı sistemi istifadəyə verilib
İranda bir startap şirkət əşyaların İnterneti əsasında intellektual kənd təsərrüfatı sistemini tətbiq və istismar etməyə müvəffəq olub.
SəhərAzəri xəbər verir, Fəriborz Nejaddadgər IRNA ilə müsahibədə deyib: İntellektual kənd təsərrüfatının müvafiq modellərinin tətbiqi bu sahə üzrə fəalların tanışlığı üçün zəruri bir hal kimi görünür.
Qeyd olunan startap şirkətin rəyasət heyətinin sədri sonra deyib: Əşyaların İnterneti texnologiyası fermerə əkiləcək toxum, toxumun miqdarı, ən yaxşı əkin və yığım zamanları, həmçinin gözlənilən məhsul miqdarı barədə mötəbər informasiyalar təqdim edir.
Nejaddadgərin sözlərinə görə, bu texnologiyadan istifadə ilə fermer əkin sahəsində yerləşdirilmiş sensorlar vasitəsilə, uzaq məsafədən və smartfon telefondan istifadə etməklə qrafik və ya video formasında müvafiq məlumatı alaraq, lazım olan tədbir və qərarları həyata keçirir.
