İranın səhiyyə naziri deyib: Ölkəmiz gələn ilin yazına qədər dünyada vaksin istehsalı və ixracının əsas qütblərindən birinə çevriləcək.

SaharAzeri xəbər verir, Səid Nəməki Qom şəhərində böyük təqlid mərcələri ilə görüşün kənarında deyib: İran alimlərinin iranlı vaksini istehsalı sahəsindəki irəliləyişləri diqqətəlayiq və heyrətamiz olub. Tezliklə nəinki vaksin istehsalında iqtisadi cəhətdən özünütəmin səviyyəsinə çatacağıq, həm də bu sahədə ixracatçılardan birinə çevriləcəyik.

O, sonra söyləyib: Bütün sanksiyalara və koronavirus şəraitinə rəğmən, dərman və tibbi ləvazimat sahəsində yaxşı nailiyyətlər əldə etmişik. Belə ki, bu il nəinki bir milyard dollar qənaət, həm də digər ölkələrə iri miqdarda ventilyator maska ixrac edilibdir.