İranın neft naziri qaz mübadiləsindən danışıdı
Ouci: Türkmənistan qazının digər ölkələrə nəqlini artıra bilərik
İran svop yolu ilə Türkmənistan qazının digər ölkələrə nəqlini artırmağa hazır olduğunu bildirib.
SəhərAzəri-nin məlumatına əsasən, İran İslam Respublikasının neft naziri Cavad Ouci Tehranda Türkmənistan nümayəndə hyətilə görüşü zamanı deyib ki, onun ölkəsi Türkmənistan qazının digər ölkələrə svop yolu ilə daha çox nəqli üçün lazımi infrastrukturaya malikdir və onun gündəlik həcmini 40 milyon kubmetrə çatdırmağa hazırdır.
O qeyd edib ki, iranda ildə 10-15 milyard kubmetr qazın mübadiləsi mümkündür.
Qeyd edək ki, ötən ilin noyabrın 28-də Aşqabadda İran, Azərbaycan və Türkmənistan arasında qaz mübadiləsinə dair üçtərəfli saziş imzalanıb. Müqaviləyə əsasən, Türkmənistandan İran vasitəsilə Azərbaycana ildə 1,5-2 milyard kubmetrədək qaz göndərilməlidir.
