SAHAR

İranın Xarici İşlər Nazirliyinin sözçüsü deyib: "İranın nüvə proqramı tamamilə dinc məqsəd daşıyır və İran direktorlar Şurasında istənilən qeyri-konstruktiv tədbirə qəti və mütənasib cavab verəcək".

SəhərAzəri-nin məlumatına əsasən, Səid Xətibzadə Fransa Xarici İşlər Nazirliyinin Beynəlxalq Atom Enerjisi Agentliyinin yeni hesabatına əsaslanan mövqeyinə reaksiya olaraq, deyib: "İran İslam Respublikasının MAQATE ilə geniş və konstruktiv texniki əməkdaşlığına tamamilə məhəl qoymayan bu cür tələsik və siyasi yönümlü şərhlər müdaxiləçi və dəyərsizdir".

"Biz MAQATE-nin Direktorlar Şurasının iclasları ərəfəsində İran İslam Respublikasına qarşı psixoloji əməliyyatlar aparmaq və təzyiq göstərmək məqsədilə həyata keçirilən bu cür bəyanatların və hərəkətlərin mahiyyətini yaxşı bilirik. Təbii ki, bu cür bəyanatların sionist rejimin son hərəkətlərı ilə üst-üstə düşməsi rejimin onların üzərindəki izlərini hər zamankindən daha çox vurğulayır", - deyə o, əlavə edib.

Xətibzadə daha sonra deyib: "Agentliyə hər zaman texniki əməkdaşlığa sadiq qalmağı tövsiyə etdiyimiz kimi, Fransa kimi ölkələrə də əməkdaşlığın düzgün yolundan çıxmasına səbəb olacaq mövqe və müdaxilələrdən çəkinməyi və bunun əvəzinə, nüvə tərksilahına dair öhdəliklərinə əməl etməyi və yüzlərlə nüvə başlığına sahib olan İsrailin aparteid rejimini məsuliyyətə cəlb etməyi tövsiyə edirik".

İranın yüksək səviyyəli diplomatı bildirib: "İranın nüvə proqramı tamamilə dinc xarakter daşıyır və biz Direktorlar Şurasında istənilən qeyri-konstruktiv hərəkətə təbii olaraq qəti və lazımi cavab verəcəyik".

İdarə Heyətini və baş direktorun hesabatını İrana qarşı təzyiq vasitəsi və siyasi oyunların alətləri kimi görənlər onun nəticələrinə görə məsuliyyət daşıyır" , - deyə əlavə edib.

Bazar ertəsi günü MAQATE-nin İranın nüvə fəaliyyətləri ilə bağlı hesabatının məzmununun mediyaya sızdığı iddia edilib, ondan sonra Fransa Xarici İşlər Nazirliyi çərşənbə axşamı verdiyi açıqlamada İranı MAQATE-nin suallarına cavab verməyə çağırıb.