Türkmənistan qazının İran vasitəsilə Azərbaycana mübadiləsi həcmi ikiqat artacaq
İran üzərindən Azərbaycana ötürülən Türkmənistan qazının həcmi, Avropa bazarlarında satılmaq üçün iki dəfə artacaq.
SəhərAzəri-nin məlumatına əsasən, İran İslam Respublikasının neft naziri Cavad Ocinin Azərbaycan Respublikasına səfərinin planlarından biri də Bakı Enerji Forumu çərçivəsində İran-Azərbaycan-Türkmənistan qaz mübadiləsi sazişində qeyd olunan qazın həcmini iki dəfə artırmaq üçün anlaşma memorandumunun imzalanmasıdır.
İranın neft naziri Bakı Enerji Forumunda deyib: "İran Türkmənistandan hər il təxminən 1,5-2 milyard kubmetr qaz alır və onu Azərbaycan Respublikasına çatdırır".
Bu gün imzalanacaq müqavilə ilə Azərbaycan Respublikası hər il İrandan təxminən 4 milyard kubmetr qaz alacaq.
Razılaşma İranın enerji habı kimi şərq bölgələrini enerji qazla təmin etməklə yanaşı, Azərbaycan Respublikası və Türkmənistanın regiondan kənara enerji və qaz ixracı sahəsində maraqlarına uyğundur.