İslam İnqilabı Keşikçiləri Korpusu SEPAH-ın Aerokosmik Qüvvələrinin komandiri İranın tezliklə yerli istehsalı olan hipersəs ballistik raketini nümayiş etdirəcəyini bildirib.

SəhərAzəri-nin məlumatına əsasən, Briqada generalı Hacızadə bu gün İranın Elm və texnologiya Universitetinin tələbələri qarşısında deyib: "Bu raket son dərəcə yüksək sürətə malikdir, təxminən 12-13 Max dır və həm Yer atmosferinin daxilində, həm də onun xaricində manevr edə bilir".

İslam İnqilabı Keşikçiləri Korpusu SEPAH-ın Aerokosmik Qüvvələrinin komandiri yeni raketin bütün raketdən müdafiə sistemlərindən yan keçmə qabiliyyətinə işarə edərək, vurğulayıb: "Bu raket düşmənin raket əleyhinə sistemlərini hədəf alır və raket sahəsində böyük sıçrayışıdır".

İran İslam Respublikasının silah sənayesi, xüsusilə də ballistik raketlərin istehsalı sahəsindəki irəliləyiş son illərdə diqqətəlayiqdir.