Rusiya və İran terrorizmlə birgə mübarizəni gücləndirir
Rusiya və İran arasında terrorizmlə mübarizə sahəsində əməkdaşlıq nəinki davam edəcək, hər gün daha da dərinləşəcək. Bunu Rusiyada rəsmi səfərdə olan İran İslam Respublikası Ordusunun Quru Qoşunlarının komandanı briqada generalı Kiumars Heydari bildirib.
SəhərAzəri-nin məlumatına görə, General Heydəri İranın terrorizm ilə mübarizədəki parlaq fəaliyyətlərini xatırladıb:
"İran İslam Respublikası terrorizmlə mübarizəyə ciddi yanaşdığını sübut edib və Rusiya ilə bu sahədə əməkdaşlıq hər gün dərinləşəcək", - deyə general bildirib.
Heydari vurğulayıb ki, terrorizm qlobal təhlükədir, eyni zamanda İran və Rusiya öz dəyərli təcrübələrini dünyanın digər ölkələri ilə bölüşməyə hazırdırlar. O, həmçinin qeyd edib ki, RF Silahlı Qüvvələrinin Quru Qoşunlarının baş komandanı, ordu generalı Oleq Salyukovla danışıqları zamanı tərəflər yaxşı razılıqlar əldə ediblər.
General səfərini vaxtında və məhsuldar adlandırıb. O, Rusiyanın müdafiə imkanları ilə tanış olduqdan sonra deyib ki, belə səfərlər iki ölkə arasında gələcək əməkdaşlığa töhfə verəcək.
