“Kövsər” və “Hudhud” peykləri uğurla orbitə buraxılıb
Kövsər və Hudhud peykləri özəl sektorun ilk peykləri olaraq, çərşənbə axşamı səhər uğurla orbitə buraxılıb.
SəhərAzəri-nin məlumatına əsasən, "Kövsər" və "Hudhud" monitorinq peykləri noyabrın 5-i çərşənbə axşamı səhər saatlarında Rusiyanın "Soyuz" peyk daşıyıcısı tərəfindən "Vostoçnıy" buraxılış bazasından fəzaya buraxılıb və uğurla öz orbitinə yerləşib.
İranın "Omid Fəza" özəl şirkətinin məhsulu olan Kövsər peyki kub peyk standartına əməl edir ki, bu da onun istehsal prosesinin vaxtını və xərclərini azaldır. Çəkisi 30 kiloqram olan Kövsər peyki kənd təsərrüfatı tətbiqləri, xəritəçəkmə və ölçmə işləri üçün istifadə olunur.
"Kövsər" peykinin orbital ömrü təxminən 3 ildir və 15 km məsafədə və saniyədə 6 kadr sürətlə rəngli təsvirlər ötürə bilir.
“Hudhud” peyki kub peyk standartına uyğundur, kiçik rabitə peykidir və onun missiyası meşələr və dağlar da daxil olmaqla ucqar ərazilərdə dar zolaqlı Əşyaların İnterneti xidmətlərini təmin etmək üçün xüsusi platforma yaratmaqdır. Bu peykin xidmətlərinin əksəriyyəti kənd təsərrüfatı, nəqliyyat, logistika və ətraf mühit sahələrindədir. Bu peykin çəkisi dörd kiloqram, orbital hündürlüyü 500 kilometr, orbital ömrü isə dörd ildir.
