ABŞ-ın Viskonsin ştatındaki bir ticarət mərkəzində atışma olub
Noy 22, 2020 08:30 Asia/Baku
ABŞ-ın Viskonsin ştatının Uauvatosa şəhərində yerləşən ticarət mərkəzində atışma olub.
SəhərAzəri xəbər verir, hadisə günorta saatlarında baş verib. Uavatosa Polis İdarəsinin rəisi Berri Veber hadisə ilə bağlı açıqlamasında 8 nəfərin xəsarətlə xəstəxanaya çatdırıldığını bildirib.
Qeyd edib ki, atəş açan şəxsin kimliyi hələlik müəyyənləşdirilməyib. Cinayətkarın ağ dərili, 20-30 yaşında olduğu bildirilir. Onun barəsində axtarış elan olunub. İstintaqa Federal Təhqiqat Bürosunun əməkdaşları da cəlb edilib.
