Aİ sionist İsrailin qəsəbə salma fəaliyyətlərini qınadı
Avropanın xarici siyasət məsələləri üzrə ali nümayəndəsi Cozep Borrell Sionist rejim tərəfindən Fələstinin işğal olunmuş ərazilərində qəsəbələrin inşasının davam etdirilməsini pisləyib.
İRNA-nın məlumatına görə, Cozep Borrell bir bəyanat yayaraq, Sionist rejimi qəsəbə salma siyasətindən əl çəkməyə çağırıb.
İsrailin sionist mühacirlər üçün qəsəbə salma fəaliyyətlərini qeyri-qanuni adlandıran C.Borrell əlavə edib: "Avropa İttifaqı heç zaman işğal olunmuş ərazilərdə demoqrafik vəziyyətin dəyişdirilməsini tanımayacaqdır.
Avropanın xarici siyasət məsələləri üzrə ali nümayəndəsinin bəyanatı ilə eyni zamanda İtaliya, Fransa, Almaniya və İrlandiya hökumətləri də ayrı-ayrılıqda Sionist qəsəbələrin inşasını qınayıblar.
Sionist rejimin Şəhərsalma Nazirliyi və sionist qəsəbələrin bələdiyyəsi çərşənbə günü fevralın 19-da işğal olunmuş Qüdsün şimal hissəsində 9 min yeni binanın tikintisinə dair bir plan təqdim ediblər.