ABŞ ÜST-ə olan borcunu ödəməyəcək
Donald Tramp Administrasiyası Ümumdünya Səhiyyə Təşkilatına (ÜST) olan təxminən 80 milyon dollarlıq borcunu ödəməyəcəyini elan edib.
SəhərAzəri Röyters-ə istinadla xəbər verir ki, Donald Tramp Administrasiyası Cenrvrədə yerləşən Ümumdünya Səhiyyə Təşkilatına olan təxminən 80 milyon dollarlıq borcunu ödəməyəcəyini və onun əvəzinə BMT-yə olan borcunu ödəyəcəyini bəyan edib. ABŞ 2021-ci ilin yanvar ayında ÜST-dən çıxmaq niyyətindədir.
Bundan əvvəl ABŞ Prezidenti Donald Tramp Ümumdünya Səhiyyə Təşkilatını koronavirusunun yayılması zamanı Çinin əlaltısı olmaqda günahlandırıb.. Dünya Səhiyyə Təşkilatı isə bu iddiaları rədd edib.
ABŞ Konqresinin 1949-cu il tarixli birgə qətnaməsinə əsasən, ABŞ ÜST-dən çıxacağını bir il əvvəldən elan etməlidir. ABŞ, həmçinin cari maliyyə ilinə aid olan borcunu da ÜST-ə ödəməlidir.
ABŞ-ın sabiq prezidentinin müavini Co Bayden seçkilərdə qalib gələcəyi təqdirdə yenidən ÜST-ə qoşulacağını açıqlayıb.
