İran İslam Respublikasının xarici işlər naziri ölkə xaricindəki iranlıları İran üçün mühüm sərmayə adlandırıb.

Məhəmməd Cavad Zərif dünən gecə Uqandada yaşayan bir qrup iranlının qarşısında vurğulayıb: Ölkə xaricindəki iranlılar İran mədəniyyəti üçün yaxşı təqdimatçı, eləcə də mədəniyyət və sivilizasiyalar arasında əlaqə üçün bir körpü ola biliblər.

İran İslam Respublikasının xarici işlər naziri dünən gecə Cənubi Afrikanın paytaxtı Pretoriyadan Uqandanın paytaxtı Kampalaya daxil olub.

Zərif Uqandada olacağı müddətdə İran-Uqanda ticarət assambleyasının açılışında iştirak edərək, bu ölkənin xarici işlər naziri, eləcə də prezidenti- Yoverti Museveni ilə görüşlər də keçirməlidir.