Əmir Abdullahiyan: "İran diplomatiyaya dəyər verir"
İranın xarici işlər naziri İran İslam Respublikasının diplomatiyaya dəyər verdiyini söyləyib.
SəhərAzəri-nin məlumatına əsasən, İranın xarici işlər naziri Hüseyn Əmir Abdullahiyan BMT Baş Assambleyasından dönərkən bir tvitdə yazıb: "İran diplomatiyaya dəyər verir. Hər zaman hörmətə hörmətlə, xoş niyyətə xoş niyyətlə qarşılıq verir".
Əmir Abdullahiyan Nyu-Yorkda BMT Baş Assambleyasının 76-ci sessiyasını konstruktiv bir fürsət kimi dəyərləndirib və forum çərçivəsində siyasi liderlər, diplomatlar, ekspertlər və jurnalistlərlə 50-dən çox görüş keçirdiyini və İranın balanslaşdırılmış, dinamik və ağıllı xarici siyasətini şərh etdiyini qeyd edib.
İranın xarici işlər naziri Hüseyn Əmir Abdullahiyan Nyu-York səfərində və BMT Baş Assambleyasının 76-cı sessiyası çərçivəsində, sessiyada iştirak edən xarici işlər nazirləri və yüksək səviyyəli siyasi rəsmilərlə görüşərək, İran İslam Respublikasının xarici siyasətini, nüvə anlaşmasını, ikitərəfli və çoxtərəfli münasibətləri və Əfqanıstandakı son durumu müzakirə edib.
