Azərbaycan şəhərinin işğalına son qoyulur
Ermənilər Laçını tərk edirlər
Laçın şəhərində qalan ermənilər avqustun 20-dək oranı tərk etməyə hazırlaşırlar.
SəhərAzəri-nin məlumatına əsasən, “Qafqaz düyünü” xəbər verir ki, həmin gün burada qaz, su, işıq kəsiləcək.
Ümumilikdə şəhərdə 70 nəfər var ki, onların əksəriyyəti Ermənistana, az bir hissəsi Əsgərana köçəcək. Onlara yeni mənzil almaq üçün müəyyən kompensasiya vəd olunub.
Avqustun 18-də onlar 1998-ci ildə tikilmiş yerli kilsəyə toplaşaraq vidalaşıblar.
1992-ci ilin mayında şəhər işğal edildikdən sonra ermənilər buraya köçürülüb. Azərbaycan mənbələri bildirirlər ki, ondan əvvəl Laçında erməni yaşamayıb.
Ermənistanla Qarabağ arasında yeni yolun Laçından yan keçməsi şəhərin Azərbaycana qaytarılmasını təmin edib. Bu barədə 10 noyabr 2020-ci il tarixli üçtərəfli bəyanatla nəzərdə tutulub.
