Fransa Prezidenti Emmanuel Makron xalqa müraciəti zamanı aprelin 3-dən etibarən ölkənin bütün bölgələrində sərt karantin rejiminin tətbiq ediləcəyini elan edib.

SəhərAzəri xəbər verir ki, yoluxma hallarının kəskin artması ilə əlaqədar 3 aprel tarixindən başlayaraq 4 həftə ərzində Fransada sərt karantin rejimi qüvvədə olacaq.

Rejimə uyğun olaraq, bütün təhsil müəssisələri üç həftə bağlanacaq.

Axşam saat 19:00-dan səhər 6:00-a qədər komendant saatı qüvvədə olacaq. Gələn həftədən bölgələr arası səyahətlər qadağan ediləcək. Şəhər sakinlərinə evlərindən 10 km-dək uzaqlaşmasına icazə verilir. 

Qeyd edək ki, prezidentin fərmanına əsasən, məhdudlaşdırıcı tədbirlərin əməl olunmasına ciddi nəzarət ediləcək.