Avropa ölkələrində yaşayan suriyalı qrupların nümayəndələri amerikan qırıcıların Suriya ordusuna qarşı hücumuna etirazda Amerikanın Berlindəki səfirliyi önündə aksiya keçiriblər.

ISNA-nın məlumatına görə, Avropa ölkələrində yaşayan suriyalı qrupların nümayəndələri Suriyanın prezidenti Bəşşar Əsədin təsvirləri və bu ölkənin bayraqlarını əllərində tutduqları bir halda, Amerikanın Berlindəki səfirliyi önünə toplaşıblar. Onlar amerikan qırıcıların Suriya ordusunun Diyrəlzurdakı bazasına qarşı hücumlarını pisləyiblər.

Aksiya iştirakçıları bir daha terrorizmlə mübarizə üçün Suriyanın rəhbərliyi, ordusu və xalqına öz dəstəklərini elan, eləcə də Rusiyaya, Livan müqavimətinə və Suriyanın bütün müttəfiqlərinə təşəkkür ediblər.

Aksiyaçılar habelə vurğulayıblar ki, Hədəflərinin reallaşmasında Suriyaya qarşı fitnə, xalqın ordu ilə həmrəyliyi sayəsində uğursuz qalıb.

Bu aksiyada İtaliya, Rumıniya və bəzi digər Avropa ölkələrində yaşayan suriyalıların nümayəndələri iştirak ediblər.