Çin dünyanın ilk 6G sınaq peykini kosmosa buraxdı
Dördüncü nəsil məlumat ötürmə sürətinin təxminən 10 qatını təmin edən növbəti nəsil mobil telekommunikasiya texnologiyası 5G, hələ dünya miqyasında geniş yayılmasa da, Çin dünyanın ilk 6G sınaq peykini kosmosa göndərib.
SəhərAzəri Deyerler-ə istinadla xəbər verir, Çin mediasının yazdığına görə, Çinin bir raketlə kosmosa göndərdiyi 13 peykdən biri olan 6G sınaq peyki, kosmosdakı terahertz zolağında rabitə texnologiyasına dair dəlillər təqdim edəcək.
6G sınaq peyki Çin Elektron Elm və Texnologiya Universitetinin, həmçinin “Chengdu Guoxing Space Science and Technologies” və “Beijing Weinaxingkong Technology” şirkətlərinin səyləri ilə hazırlanıb.
Argentinanın “Satellogic” şirkəti tərəfindən hazırlanmış 10 ticarət uzaqdan qavrama peyki və 6G sınaq peyki daxil olmaqla Çinin 3 peyki, şimaldakı Taiyuandan buraxılan Çinin “Long Walk 6” tipli raketlərindən biri tərəfindən uğurla orbitə yerləşdirilib.
Bunun Çinin yerli istehsalı olan “Long Walk” seriyasındakı 351-ci raketi olduğu bildirilir.
Adının Tianyan 05 olduğu bildirilən və Çinin yüksək texnologiya araşdırmalarında bir dönüş nöqtəsi olduğu deyilən 6G sınaq peyki, Yer kürəsinin kosmosdan daha təsirli bir şəkildə izlənilməsinə imkan verəcək. Əkinçilik və heyvandarlıq fəaliyyətləri, fəlakət vəziyyətləri və binalardan infrastruktura qədər hər cür inşaat işləri anında izlənilə bilər.
