İranın yunan-roma güləşi üzrə komandası Asiya çempionu oldu
İranın yunan-roma güləşi üzrə yığma komandası Qazaxıstanda keçirilən Asiya Çempionatıda 4 qızıl, 2 gümüş və üç bürünc medal qazanaraq, çempion olub.
SəhərAzəri xəbər verir ki,yunan-roma güləşi üzrə 31-ci Asiya Çempionatı yarışları Qazaxıstanın Almatı şəhərində keçirilib və sonda İran komandası 4 qızıl, 2 gümüş və 3 bürünc medalla və 194 xal toplayaraq, çempion olub.
Yarışların sonunda İran komandası üçün Pejman Poştam, Nasir Əlizadə, Mehdi Bali və Əli Əkbər Yusifi müvafiq olaraq, 77, 87, 97 və 130 kiloqram çəki dərəcələrində qızıl medalı, Mehdi Möhsün Nejad və Meysəm Delxani, 60 və 63 kiloqram çəki dərəcələrində gümüş medalı və Puriya Dadmərz, Hüseyn Əsədi və Əmin Kaviyani Nejad 55, 67 və 72 kiloqram çəki dərəcələrində bürünc medalı qazanıblar.
Komanda sıralamasında isə İran komandası 194 xalla çempionluğu qazanıb, Qazaxıstan və Qırğızıstan komandaları ikinci və üçüncü olublar.
