2021 Asiya Çempionlar Liqası; İranın Esteqlal komandası play-off mərhələsinə yüksəlib
May 01, 2021 13:53 Asia/Baku
İranın Esteqlal Komandası İraqın Əl-Şortə komandası qarşısındakı həlledici görüşdə 1-0 hesablı qələbə ilə Asiya Çempionlar Liqasının Play-Off mərhələsinə vəsiqə qazanıb.
SəhərAzəri xəbər verir ki, İranın Esteqlal komandası cümə axşamı günü Asiya Çempionlar Liqasının qrup mərhələsinin altıncı və son həftəsində İraqın Əl-Şortə komandası ilə qarşılaşıb və 1-0 hesablı qələbə qazanıb.
Esteqlal bu qələbə ilə Qətərin Əl-Duhail və Ərəbistanın Əl-Əhli komandalarının görüşünün nəticəsindən asılı olmayaraq, 1/8 final mərhələsinə yüksəlib.
Bu komanda qrupun birinci və ya ikincisi kimi növbəti mərhələyə adlamaq, həmçinin rəqibini tanımaq üçün Əl-Duhail-Əl-Əhli matçının nəticəsini gözləməlidir.
