İran nümayəndələri disk atma yarışında finala yüksəliblər
Avq 21, 2021 18:50 Asia/Baku
İranın 2 nümayəndəsi gənclər arasında yüngül atletika üzrə dünya çempionatında disk atma yarışlarının finalına yüksəliblər.
SəhərAzəri-nin məlumatına əsasən, İran milli atletika komandasının iki üzvü Sadiq Səmimi və Məhəmmədrza Rəhmanifər bu gün 20 yaşadək atletika üzrə dünya çempionatında disk atma yarışlarında finala yüksəliblər.
Sadiq Səmimi ilk atışında 61 metr 1 sentimetrlik rekordu qeydə alaraq, finala yüksəlib.
Məhəmmədrza Rəhmanifər də 57 metr 93 sentimetr rekordla bütün iştirakçılar arasında 8-ci pillədə qərarlaşıb və növbəti mərhələyə adlayıb.
Final yarışları sabah saat 17:30-da keçiriləcək.
