İranın yığma futbol komandası Qətərdə keçiriləcək 2022-ci dünya çempionatının seçmə görüşlərinin yekun mərhələsinin ilk görüşündə Suriya yığmasını məğlub edib.

SəhərAzəri-nin verdiyi məlumata görə, bu görüş dünən Bakı vaxtı ilə saat 20-00-dan Tehranın Azadi stadionunda başlanıb. Görüş bir-sıfır hesabı ilə İran yığmasının xeyrinə qurtarıb.

İranın yeganə qolunu Əlirza Cahanbəxş oyunun 57-ci dəqiqəsində vurub.

İran yığması bu qələbə ilə Asiya qitəsində 2022-ci dünya çempionatının seçmə görüşlərinin yekun mərhələsinin A qrupuna başçılıq edir.

Bu qrupdan olan digər görüş Cənubi Koreya və İraqın milli futbol komandaları arasında keçirilib. Oyun sıfır-sıfır hesabı ilə başa çatıb.

Əmirliklər və Livan seçmələri arasında keçirilən bu qrupdan üçüncü görüş də sıfır-sıfır hesabı ilə heç-heçə başa çatıbdır.