Asiya Çempionatında İranın sərbəst güləşçiləri üç qızıl medal qazandılar
Apr 23, 2022 19:14 Asia/Baku
-
Güləş üzrə Asiya Çempionatı; İranın sərbəst güləşçiləri üç qızıl medal qazandılar
Sərbəst güləş üzrə Asiya Çempionatında İranın finala yüksəlmiş hər üç güləşçisi qızıl medal qazandılar.
SəhərAzəri-nin məlumatına əsasən, güləş üzrə Asiya Çempionatı Monqolustanın paytaxtı Ulan-Bator şəhərində keçirilir.
Bu turnirdə ilk beş çəkinin yarışları bu gün başlayıb və İranın üç sərbəst güləşçisi finala yüksəlib.
97 kiloqram çəki dərəcəsində final görüşündə Məhəmməd Hüseyn Məhəmmədian monqolustanlı rəqibi Batzul Ulziisaikhanı məğlub edərək, qızıl medal qazanıb.
Bundan əvvəl 65 kiloqram çəki dərəcəsində Məhəmməd Əmuzad Xəlili, 79 kiloqram çəki dərəcəsində isə Əli Savadkuhi qızıl medal qazanmışlar.
