İranlı güləşçinin birinciliyi
İranın 55 kiloqram çəki dərəcəsində mübarizə aparan güləşçisi Qazaxıstanda keçirilən Bulat Turlixanov adına kubok uğrunda yunan-roma güləşində qızıl medal sahibi olub.
SəhərAzəri-nin məlumatına əsasən, iranlı güləşçi Puya Dadmərz ilk mərhələdəki istirahətdən sonra ikinci etapda tacikistanlı güləşçi İslamcan Əzizovu yeddi-iki hesabı ilə məğlub edib və yarımfinal mərhələsinə vəsiqə qazanıb.
Dadmərz bu etapda Hindistandan olan Arucan Halakurkini səkkiz-sıfır hesabı ilə qarşısından götürüb və final görüşünə yollanıb.
Dadmərz qızıl medal almaq üçün Qazaxıstandan olan Marlan Mukaşevlə görüşüb və rəqibini dörd-iki hesabı ilə məğlub edib. Onun əldə etdiyi qızıl medal, bu turnirdə İranın ilk qızıl medalıdır.
Bulat Turlixanov adına kubok yarışında İranın yunan-roma güləşi karvanının altı finalçısı var.
