«A.C Milan» 7 qolla «Torino»nu darmadağın etdi
«A.C Milan» futbol klubu İtaliya futbol liqasının «A» seriyasının 36-cı həftəsində 7 qolla «Torino» klubuna üstün gəlib.
SəhərAzəri-nin məlumatına əsasən,dünən gecə «A» seriyasının 36-cı həftəsinin yarışları keçirilib. «Torino»nun meydançasında olynayan «A.C Milan» bu oyunu yeddi-sıfır hesabı ilə başa vurub.
Fernandes 19 və 62-ci dəqiqələrdə, Kessye 26-cı dəqiqədə penalti zərbəsi ilə, Diyas əllinci dəqiqədə, Rebiç isə 67, 72 və 79-cu dəqiqələrdə Milan üçün qol vurublar.
Milan klubunun üzvləri bu məhsuldar nəticə ilə xallarının sayını 75-ə çatdırıb və cari mövsümün çempionu və səksən səkkiz xala malik olan İnter və 75 xallı Atalanta komandalarından sonra çempionatın üçüncüsü olubdur.
Digər oyunda İnter üç-bir hesabı ilə Roma komandasını məğlub edib.
