Liverpul bir göz qırpımında «Vilyarreal»ın işini bitirdi
Avropa Çempionlar Liqasının yarımfinal görüşünün ilk mərhələsində «Vilyarreal»a qalib gələn Liverpul, özünü bir addım finala yaxınlaşdırıb.
SəhərAzəri-nin məlumatına əsasən, Liverpul, özünün Enfild stadionunda «Vilyarreal» klubunu iki-sıfır hesabı ilə məğlub edib.
Müdafiə olunmaq üçün Enfild-ə gəlmiş «Vilyarreal», oyunun birinci hissəsində qarşısına qoyduğu tapşırığı uğurla yerinə yetirdi, lakin ikinci hissədə Liverpul-un təsadüfi qolu ilə onun bütün planları alt-üst oldu.
Oyunun 53-cü dəqiqəsində Liverpul-un yarımmüdafiəçisi Cordan Henderson meydanın sağ tərəfindən qol vəziyyəti yaratmağa çalışırkən, onun göndərdiyi top təsadüfən «Vilyarreal»ın sol xətt müdafiəçisi Pervis Estupinyanın ayağına toxunub, qapıya keçdi.
Bir dəqiqə sonra Liverpul, Məhəmməd Salahın gözəl ötürməsi və Sadio Manenin zərbəsi ilə ikinci qolun sahibi oldu ki, doğma divarlar arxasında dəyərli bir qələbə əldə etmiş olsun.
Bu yarışın cavab görüşü gələn həftənin çərşənbə axşamı günü İspaniyanın Valensiya şəhərinin Villarreal qəsəbəsində keçiriləcək.
