İran karvanı Universiada oyunlarında 23 rəngarəng medal qazanıb
Avq 08, 2023 16:21 Asia/Baku
İranın Ümumdünya Universitet Oyunlarında iştirak edən idman heyəti 5 qızıl, 6 gümüş və 12 bürünc olmaqla, 23 rəngarəng medal qazanıb.
Çinin Çenqdu şəhərində 100-dən çox ölkədən kişi və qadın idmançıların iştirakı ilə keçirilən 31-ci Ümumdünya Universitet Oyunları (Universiada) iyulun 29-dan başlayıb və dünən avqustun 7-də başa çatıb.
İranın idman heyəti 11 oyunda, o cümlədən: voleybol, atletika, qılıncoynatma, cüdo, avarçəkmə, oğlanlar üçün gimnastika, taekvondo, oxatma, atıcılıq, uşu və stolüstü tennis oyunlarında iştirak edib və 23 rəngarəng medalla evə qayıdıb.
