Gürcüstanda bir gündə 4 mindən çox yoluxma qeydə alındı
Noy 29, 2020 20:36 Asia/Baku
Gürcüstanda ötən sutkada koronavirusa 4 426 yeni yoluxma faktı qeydə alınıb, 3 721 nəfər müalicə olunaraq sağalıb, 35 pasiyent isə vəfat edib.
SəhərAzəri xəbər verir, bu barədə Gürcüstan hökumətinin xüsusi rəsmi saytında bildirilib.
Bununla da bu ölkədə COVID-19-a yoluxanların ümumi sayı 132 368-ə çatıb. Onların 110 049-u sağalıb, 1 230-u isə ölüb.
Hazırda karantin rejimində 2 033, stasionar nəzarətdə 6 373 nəfər saxlanılır. 3 945 nəfər isə xüsusi otellərdə müalicə olunur.
