Seçkilərdən sonra Ermənistan qarışa bilər
Koçaryan seçki qalmaqalının yaşanacağını deyir
Ermənisanın sabiq prezidenti həyəcan təbili çalır. Koçaryan ölkədə seçkilərlə bağlı xaos yaşanacağından narahatdır.
SəhərAzəri xəbər verir ki, Ermənistanın keçmiş prezidenti Robert Koçaryan tərəfdarları ilə görüşdə deyib ki, bu ölkədə keçiriləcək növbədənkənar parlament seçkiləri asan olmayacaq, nəhəng təşviqat işi aparmaq, komissiyalar qurmaq lazımdır.
Onun sözlərinə görə, seçki günü məntəqələrdə səsləri qorumaqda qətiyyətli və inadkar olan böyük vəkil ordusuna sahib olmaq lazımdır. Bununla yanaşı, Koçaryan küçə savaşlarının, etirazların olacağını da dilə gətirib.
Həmçinin, o, Nikol Paşinyanın şansı olmadığını anladığından hüquq-mühafizə sisteminin daha təmkinli davranacağına ümid etdiyini deyib.
O qeyd edib ki, hakimiyyət seçkiləri saxtalaşdırmaq üçün hər hansı bir addımın nəticələrinin özləri üçün ölümcül olacağını bilməlidir. Saxtalaşdırmalara reaksiya aqressiv və qəti olmalıdır.
