Ermənistanla Rusiya arasında hərbi əməkdaşlıq genişləndirilir
Rusiya Ermənistan ordusunu modernləşdirəcək
Ermənistan və Rusiyanın yüksək səviyyəli hərbçiləri Ermənistan Silahlı Qüvvələrinin modernləşdirilməsi və islahatlar prosesini müzakirə ediblər.
SəhərAzəri-nin məlumatına əsasən, Rusiyaya işgüzar səfəri çərçivəsində Ermənistan Silahlı Qüvvələrinin Baş Qərargah rəisi, general-mayor Edvard Asryan Rusiya Silahlı Qüvvələrinin Baş Qərargah rəisi, Rusiya müdafiə nazirinin 1-ci müavini, ordu generalı Valeri Gerasimov ilə görüşüb.
Görüşdə Ermənistan Silahlı Qüvvələrinin Baş Qərargah rəisi rusiyalı həmkarına Ermənistan-Azərbaycan sərhədində baş verən son hadisələr, eləcə də Qarabağda qeydə alınan gərginlik və mövcud vəziyyət barədə məlumat təqdim edib.
Bildirilir ki, görüş zamanı Ermənistan-Rusiya hərbi əməkdaşlığı ilə bağlı bir sıra məsələlər müzakirə olunub. Ermənistan Silahlı Qüvvələrinin modernləşdirilməsinə və islahatların gedişinə təkid edilib.
