Ermənistanın baş naziri Azərbaycanla sülh sazişindən danışdı
“Mən təsdiq edirəm ki, biz sülh proqramı qəbul etmişik”
Ermənistanın baş naziri bəyan edib ki, Ermənistan qəbul edilmiş sülh gündəliyi ilə davam edəcək.
SəhərAzəri-nin məlumatına əsasən, Nikol Paşinyan deyib: “Mən təsdiq edirəm ki, biz sülh proqramı qəbul etmişik. Mən təsdiq edirəm ki, son müsahibəm zamanı elan edilmiş düsturla sülh gündəliyini həyata keçirmək öhdəliyini öz üzərimə götürürəm. Mən bu gündəliyin həyata keçirilməsi üçün parlament çoxluğunun və xalqın dəstəyini gözləyirəm. Son danışıqlar və məzmun nəticəsində mən irəliləmək üçün bir yol görürəm. Bu, ən vacibidir”, - deyə baş nazir parlamentdə sual-cavab iclasında bildirib.
Ermənistanın xarici işlər naziri Ararat Mirzoyan isə bildirib ki, Azərbaycan beş prinsip əsasında sülh müqaviləsinin elementlərini Ermənistan tərəfinə verib.
Bu elementlərin nədən ibarət olduğunu və bununla bağlı hər hansı irəliləyişin olub-olmadığını soruşduqda XİN başçısı parlamentdə deputatların suallarına belə cavab verib: “Azərbaycanın martın ortalarında təqdim etdiyi o məşhur beş prinsip dərc olunub və əslində bizim ictimaiyyət də, beynəlxalq ictimaiyyət də bu prinsipləri yaxşı bilir və biz açıq şəkildə bəyan etmişik ki, bizim üçün qəbuledilməz heç nə yoxdur. . Azərbaycanın bu dəfə təqdim etdiyi təkliflər, əslində, həmin prinsiplər üzərində qurulub. Bizdən təkliflər olacaq, onları da daxil etməyi təklif edəcəyik. Başqa sözlə, normal danışıqlar prosesi davam edəcək”, - deyə Ermənistan XİN rəhbəri bildirib.
