Cənubi Qafqazda sülhün və sabitliyin təmin edilməsi ilə bağlı "3+3" formatında platformanın iştirakçıları nazirlər səviyyəsində yeni əlaqələri nəzərdən keçirirlər.

SəhərAzəri-nin məlumatına əsasən, bunu cümə günü Rusiyanın xarici işlər naziri Sergey Lavrov Azərbaycanın xarici işlər naziri Ceyhun Bayramovla danışıqların yekunlarına dair mətbuat konfransında deyib.

"Cənubi Qafqazın üç ölkəsi və onların qonşuları yəni Rusiya, Türkiyə, İran İslam Respublikasının iştirakı ilə bir prosesin formalaşdırılması nəzərdə tutulub. Bu gün biz artıq nazirlər səviyyəsində görüş hazırlayırıq. Belə bir əlaqənin məqsədəuyğunluğu anlayışı var", - deyə Rusiya XİN rəhbəri bildirib.