Rusiya və Ermənistan XİN rəhbərləri görüşüblər
Martın 3-də Yeni Dehlidə Rusiya Federasiyasının xarici işlər naziri Sergey Lavrov və Ermənistan Respublikasının xarici işlər naziri Ararat Mirzoyan arasında danışıqlar olub.
SəhərAzəri-nin məlumatına əsasən, Rusiya Xarici İşlər Nazirliyi görüş barədə yaydığı məlumatda bildirib ki, nazirlər ikitərəfli gündəliyin aktual məsələlərini müzakirə ediblər.
Ümumi inteqrasiya birlikləri çərçivəsində beynəlxalq platformalarda əməkdaşlığın təşviqinə yanaşmalar yoxlanılıb. Regional məsələlər ətrafında fikir mübadiləsi aparılıb. Rusiya, Ermənistan və Azərbaycan liderləri arasında 9 noyabr 2020-ci il, 11 yanvar, 26 noyabr 2021-ci il və 31 oktyabr 2022-ci il tarixli sazişlərə uyğun olaraq Ermənistan-Azərbaycan münasibətlərinin normallaşmasının bütün istiqamətləri üzrə səylərin gücləndirilməsinin aktuallığı qeyd edilib.
Danışıqlar dostluq və etimad mühitində keçib. Gələcək diplomatik təmaslar barədə razılıq əldə olunub.
Qeyd edək ki, Lavrov Hindistanda G20 XİN rəhbərlərinin görüşündə iştirak edir. Mirzoyan isə martın 3-dən 4-dək Hindistanın geosiyasət və geoiqtisadiyyat üzrə aparıcı “Raysin dialoqu” 8-ci beynəlxalq konfransında iştirak etmək üçün Nyu-Dehlidə işgüzar səfərdədirlər.
