İrəvandan Kremli qəzəbləndirəcək qərar:
Ermənistan KTMT-ni maliyyələşdirməyəcək
Ermənistan Xarici İşlər Nazirliyinin mətbuat katibi Ani Badalyan bildirib ki, ölkəsi Kollektiv Təhlükəsizlik Müqaviləsi Təşkilatının (KTMT) fəaliyyətinin maliyyələşdirilməsində iştirakını dayandırır.
Armenpress-in məlumatına əsasən, Badalyan deyib ki, Ermənistan Kollektiv Təhlükəsizlik Müqaviləsi Təşkilatının (KTMT) 2024-cü il üçün KTMT büdcəsi ilə bağlı 23 noyabr 2023-cü il tarixli qərarına qoşulmaqdan çəkinəcək.
Qeyd edək ki, baş nazir Nikol Paşinyan dəfələrlə Kollektiv Təhlükəsizlik Müqaviləsi Təşkilatını tənqid edib.
O, mayın 7-də keçirdiyi mətbuat konfransında bildirib ki, Azərbaycanın Ermənistana hücumları fonunda Kollektiv Təhlükəsizlik Müqaviləsi Təşkilatı (KTMT) Ermənistana müttəfiq kimi deyil, sülhməramlı kimi gəlmək istəyirdi.
Baş nazir əlavə edib: “Sülhməramlılara nə lazımdır? Onlara müharibə lazımdır. Bu vəziyyətdə müharibə nə vaxt mümkündür? Delimitasiya prosesindən imtina etdikdə”.