SAHAR

Türkiyənin cənubunda Şırnak vilayətinin Uludərə rayonunda Türkiyə ordusuna məxsus bir ədəd vertalyotun qəzaya uğraması nəticəsində 13 hərbçi həlak olub.

İRNA-nın verdiyi məlumata görə, Türkiyənin hərbi vertalyotu ölkənin cənub şərq əraziləri üzərində patrul-müşahidə əməliyyatı apararkən İraq sərhədləri yaxınlığında radardan itib. 

Şırnak valisi deyib: Qəzaya uğrayan vertalyot bölgə sərhəd stansiyasından uçduqdan 3 dəqiqə sonra yüksək gərginlikli elektrin naqillərinə toxunaraq qəzaya uğrayıb. 

Bu hadisədən sonra Türkiyə Jandarma və yardım qüvvələri hadisə yerinə göndərilib. Türkiyənin müdafiə naziri Fikri Işık hadisə barədə araşdırmalara nəzarət üçün əraziyə gedib. 

Türkiyə ordusu baş qərargahı hadisədə həlak olanlar arasında 1 nəfər yüksək rütbəli zabitin də olduğunu bildirib.