Ermənistanın xarici işlər naziri Ararat Mirzoyan və xüsusi nümayəndə Ruben Rubinyan Türkiyəyə səfər edəcəklər. Bu barədə Türkiyənin xarici işlər naziri Mövlud Çavuşoğlu bildirib.

Mövlud Çavuşoğlu qeyd edib ki, Ermənistan xarici işlər naziri Ararat Mirzoyan və Ermənistanla Türkiyə arasında münasibətlərin normallaşması üzrə müzakirələrdə ermənistanın xüsusi nümayəndəsi Ruben Rubinyan Antalya Diplomatiya Forumuna qatılacaqlar.

“Hamının səsinin burada eşidilməsini istəyirik. Paşinyan Antalya Diplomatiya Forumuna qatıla biləcəklərini söylədi. Azərbaycan da gəlir. Hər kəs düşüncələrini söyləsin”, - XİN başçısı vurğulayıb.