Türkiyənin təhlükəsizlik mənbələri İstanbulda Bosfor boğazı sularında ikinci bir minanın aşkar edildiyinə dair xəbərləri təkzib ediblər.

Daha əvvəl Türkiyənin müdafiə naziri Xulusi Akar Ukrayna tərəfdən Bosfor boğazına gəldiyi ehtimal edilən minanın Türkiyənin hərbi dəniz qüvvələri tərəfindən zərərsizləşdirildiyini bildirib.

Akar deyib: "Ankara bu məsələ ilə bağlı Ukrayna və Rusiya rəsmiləri ilə əlaqə saxlayıb və hazırda bölgədə dəniz nəqliyyatı ilə bağlı problem yoxdur".