Zəlzələdə Türkiyə nə qədər ziyan görüb?
Türkiyə Maliyyə Nazirliyi fevralda baş verən zəlzələlərin ölkəyə vurduğu ümumi zərərin 105 milyard dolları keçdiyini açıqlayıb.
Fevralın 6-da baş verən zəlzələlər Türkiyənin sənaye müəssisələrinə 9 milyard dollar, yəni 170 milyard türk lirəsi dəyərində ziyan vurub.
Bu barədə Türkiyənin sənaye və texnologiya naziri Mustafa Varank Nazirliyin rəsmi Twitter hesabında bildirib.
Nazirin sözlərinə görə, zəlzələlər nəticəsində 34 sənaye zonasında 5,6 minə yaxın müəssisə əhəmiyyətli və ya orta dərəcədə zərər görüb. Ölkənin qalan 34 min müəssisəsi isə fəaliyyətini davam etdirir.
Türkiyə Maliyyə Nazirliyində zəlzələlərin ümumi zərəri 105 milyard dollar və ya 2 trilyon türk lirəsi olaraq qiymətləndirilib.
Fevralın 6-da Türkiyənin cənub-şərqində 7,7 və 7,6 bal gücündə iki güclü zəlzələ baş verib, yeraltı təkanlar Suriya da daxil olmaqla qonşu ölkələrdə dağıntılara səbəb olub. Türkiyədə zəlzələ nəticəsində ölənlərin sayı 50 mini keçib.
