Türkiyə hökuməti bələdiyyə seçkilərinin ardınca gərginlik və iğtişaşın baş verməsini önləmək üçün Muş şəhərində 15 gün müddətinə fövqəladə vəziyyət elan etdi.

İRİB-nin bildirdiyinə görə, bu qərar hakim Ədalət və İnkişaf Partiyasının Muş şəhəri üzrə bələdiyyə seçkilərində qələbə çalmasının ardınca çıxarılıb.

Hakim Ədalət və İnkişaf Partiyasının namizədi səslərin 34.83%-in əldə edərək, Xalqların Demokratik Partiyasından olan rəqibini məğlub etməyi bacarıb.

Seçkilərin nəticəsinə əsasən Xalqların Demokratik Partiyasının namizədi 33.49% səslə seçkiləri uduzub.

Xalqların Demokratik Partiyası 2500 səs bülleteninin tutarsız olduğunu iddia edərək, seçkilərin nəticəsinə etiraz edib.