İzmirdə filiz mədənində partlayış olub
Dek 19, 2021 14:29 Asia/Baku
Türkiyənin İzmir vilayətinin Kınık rayonunda filiz mədənində partlayış olub.ilkin məlumata görə, tüstüdən zəhərlənən yeddi işçi fərqli xəstəxanalara çatdırılıb.
SəhərAzəri-nin məlumatına əsasən, mədən partlayış səbəbindən çöküb. Hadisə yerinə tibb işçiləri, xilasedicilər və AFAD qrupları gəliblər.
Hadisə baş verən zaman mədəndə 50 işçinin olduğu deyilir.
İzmir valisi Yavuz Selim Köşger hadisədə ölənlərin olmadığını, işçilərin yüngül xəsarət aldıqlarını deyib.
Twitter hesabından açıqlama verən Köşger xəstəxanalara səkkiz nəfərin çatdırıldığını deyib.
Bir qədər sonra isə vali 22 nəfərin yüngül xəsarət aldığını xəbər verib. Mədənin dağıntıları altında kimsənin qalmadığını deyib.
