"Türk Hava Yolları" aviaşirkətinə məxsus THY4055 Bişkek-Antalya reysini həyata keçirən təyyarə Bakı aeroportuna təcili eniş edib.

SəhərAzəri-nin məlumatına əsasən, "Boeing B737" təyyarəsinin kapitanı plandankənar enmək tələbinin baqaj bölməsində işləyən tüstü sensoru ilə bağlı olduğunu bildirib.

Təyyarə saat 09:18-də Heydər Əliyev hava limanında uğurlu eniş edib.

Bakı Aeroportunun məlumatında deyilir ki, təyyarəyə hava limanının texniki heyəti tərəfindən baxış keçirilir.