Türkiyə müxalifəti hökumətə dəstək verən şirkətlərin boykot edilmələrini istəyib
Türkiyədə ən iri müxalif partiya olan CHP-nin lideri Özgür Özəl, bu ölkə xalqından istəyibdir ki, aprelin ikisində heç bir pul xərcləməsin və bu yolla, İstanbulun sevimli meri- Əkrəm İmamoğlunun həbs olunmasına qarşı çıxan tələbələrin həbsinə etiraz etmiş olsun.
Özəl «X» sosial şəbəkəsində belə yazıb: Heç nə almayın! Supermarketlərdən, internetdən, restoranlardan, yanacaqdoldurma məntəqələrindən və kafelərdən heç nə almayın. Qəbzləri də ödəməyin- heç bir şey almayın.
Cümhuriyyət Xalq Partiyasının lideri sonra belə yazıb: Hamıdan istəyirəm ki, bir istehlakçı kimi öz qüdrətindən istifadə və bu boykotda iştirak etsin.
Özəl bildirib ki, İmamoğlunun həbsinə qarşı etirazlar zamanı 301 tələbə həbs olunub.
CHP rəhbəri ötən həftə də Ərdoğan hökumətinə yaxın olan onlarla türk qrup və şirkətin boykot edilməsini istəmişdi.
Martın 25-də boykot edilməli olacaq şirkətlərin siyahısı virtual mühitdə yayılsa da, iki gün sonra bir məhkəmə onu bağladı.
Belə görünür ki, hazırda Türkiyə məhkəmə hakimiyyəti daha çox tədbir görmək niyyətindədir.
Belə ki, İstanbul prokurorluğu təhqiqatlara başlayıb, zira, bu orqanın bildirdiyinə görə, boykot çağırışlarında «nifrətyayma və ayrı-seçkilik» və «təfriqəsalma mahiyyətli ifadələr» müşahidə edibdir.
Bu əsasda, sözügedən yeni təhqiqatın bəzi şirkətlərə qarşı fiziki və şifahi zorakılıq barədəki cari təhqiqatlarla birlikdə həyata keçirilməsi qərara alınıb.
Türkiyə prezidenti Rəcəb Tayyıp Ərdoğanın ən böyük daxili siyasi rəqibi sayılan Əkrəm İmamoğlu, martın 19-da saxlanıldı. Ondan sonra bir məhkəmə korrupsiya ittihamı ilə onun müvəqqəti olaraq həbs edilməsi barədə qərar çıxardı.
İmamoğlunun həbs olunmasından sonra/ Türkiyənin bəzi iri şəhərlərində toplantı qadağası qoyulsa da, bu ölkədə geniş etirazlara start verildi
