SAHAR

İran İslam Respublikası xarici işlər naziri bütün ölkələrin ərazi bütövlüyü və sərhədlərinə hörmətlə yanaşmağın əhəmiyyətli olduğunu bildirərək deyib: Kürd muxtariyyətinin İraqdan ayrılması üzrə referendum bölgənin təhlükəsizliyi və stabilliyini hədələyir.

Məhəmməd Cavad Zərif şənbə günü Qətərin əl-Cəzirə televiziyası ilə müsahibədə deyib: İran İslam Respublikası İraqın kürd muxtariyyətində referendumun keçirilməsini qeyri-qanuni və İraq Konstitusiyasına zidd hesab edir.

Xarici işlər naziri İran İslam Respublikasını İraqın kürd vətəndaşlarının həmişəlik hamisi adlandırıb və deyib: İran İŞİD terror qruplaşması ilə mübarizə üçün İraqın kürd muxtariyyətinə kömək edən ilk ölkələrdən biri idi.

İran xarici işlər naziri əlavə edib: İraqlılar birləşməli və problemlərini ölkənin Konstitusiyası çərçivəsində müzakirə yolu ilə həll etməlidirlər.