SAHAR

İranın xarici işlər naziri Məhəmməd Cavad Zərif Maskatda Oman kralı sultan Qabus ilə görüşüb.

Bu gün səhər bir heyətlə Maskata səfər etmiş Məhəmməd Cavad Zərif sultan Qabus ilə görüşdə onunla regional məsələlər, o sıradan Suriya və Yəmən məsələləri, həmçinin İraq Kürdüstanı məntəqəsindəki son olaylar barədə fikir mübadiləsi aparıb.

Zərif bundan öncə Maskatda Omanın xarici işlər naziri Yusif bin Ələvi ilə görüşərək, onunla ikitərəfli, regional və beynəlxalq əlaqələr barədə danışıbdır.

İranın xarici işlər naziri öz regional səfərinin davamında Oman rəsmilərilə görüşlərdən sonra Qətərə birgünlük səfərə gedərək, həmin ölkənin rəsmilərilə də ikitərəfli və regional əlaqələr barədə danışıqlar aparacaqdır.