Yaponiyanın keçmş baş nazirinin terror edilməsini pisləyən İranın xarici işlər naziri bildirib ki, Şinzo Abenin İran-Yaponiya münasibətlərinin inkişafındakı xidmətləri unudulmayacaq.

SəhərAzəri-nin məlumatına əsasən, Hüseyn Əmir-Abdullahiyan Yaponiyanın keçmş baş naziri Şinzo Abenin terror edilməsi və həyatını itirməsinə reaksiyada öz tvitter hesabında yazıb: İran Yaponiyanın keçmş baş naziri Şinzo Abenin terror edilməsini pisləyir və onun vəfat etməsi münasibətilə dost Yaponiya xalqı və hökumətinə başsağlığı verir.

Əmir-Abdullahiyan əlavə edib: Tanınmış bir siyasətçi kimi Şinzo Abenin dəyərli xidmətləri, o sıradan İran və Yaponiya xalqları arasındakı münasibətlərin genişləndirilməsindəki rolu unudulmayacaq.