SAHAR

İran İslam Respublikasının xarici işlər naziri Hüseyn Əmir- Abdullahiyan tvitter səhifəsində yazdığı mesajda Qərb dövlətlərinə xəbərdarlıq edib.

SəhərAzəri-nin məlumatına əsasən, İordaniyada keçirilən “Bağdad-2” sammiti çərçivəsində Avropa İttifaqının xarici siyasət üzrə Ali rəsmisi Cozep Borrellə görüşündən söz açan Abdullahiyan, nüvə sazişi ilə bağlı danışıqların qapısının həmişə açıq qalmayacağını yazıb.

“Cozep Borrellə görüşümüzdə razılaşmanın son addımlarının atılması ilə bağlı razılaşdıq. Razılaşma üçün danışıqların qapısı İran tərəfindən açıqdır, amma bu həmişəlik deyil. Ukraynada siyasi həllə təkidlə yanaşdıq. Əbu-Qüreyb həbsxanasında, Quantanamoda, Yəmən və Əfqanıstanda uşaq və qadınlara qarşı cinayətlər Amerikaya icazə vermir ki, digərlərinə möizə etsin”, - deyə Əmir-Abdullahiyan əlavə edib.